April 2, 2011

6. Achilles




Achílles
ómnium Graecórum circa Troiam
fortíssimus erat.
Agamémnon, dux Graecórum,
et Achílles
diu inimíci erant.
Ítaque Achílles
contra Troiános pugnáre nóluit.
Tum Troiáni
in ómnibus proéliis
superióres erant.
Hector autem, dux Troianórum,
Patróclum occídit.
Tum Achílles,
propter mortem amíci sui,
ad pugnam rédiit.
Postrémo Achílles
Héctorem, ducem fortíssimum,
superávit.
Sed paulo post
ipse
in pugna occísus est.
Nemo Graecórum
in proéliis
mélior quam Achílles erat.
Ítaque
post eius mortem
Graeci
in magno luctu erant.


TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

No comments:

Post a Comment