D'Ooge: Latin for Beginners

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

For a more complete transcription of all the stories from D'Ooge, see the Macronaganza blog; here I have only included the stories that stand really nicely on their own.

18. Excelsior

136-140. Niobe et Filii Eius

146-150. Cornelia et Ornamenta Eius

168. Perseus et Andromeda I

171. Perseus et Andromeda II

193. Perseus et Andromeda III

200. Perseus et Andromeda IV

218. Tarpeia Perfida I

229. Tarpeia Perfida II

240a. Terror Cimbricus I

240b. Terror Cimbricus II

249. Pons in Germania

271. Daedalus et Icarus I

277. Daedalus et Icarus II

284. Daedalus et Icarus III

289. Horatius Cocles I

295. Horatius Cocles II

299. Horatius Cocles III

294. Germanorum Dux

53. Hercules Infans

54a. Hercules et Minyae

54b. Hercules et Scelus Eius

55a. Hercules et Leo I

55b. Hercules et Leo II

56. Hercules et Hydra

57a. Hercules et Cervus

57b. Hercules et Aper

58a. Hercules et Stabulum

58b. Aves Stymphalides

59a. Taurus Cretensis

59b. Diomedis Equi

60a. Hippolyte, Amazonum Regina

60b. Hercules et Cerberus

60b. Hercules et Cerberus

---

---

Iamque unus modo
e duódecim labóribus relinquebátur
sed inter omnis
hic erat difficíllimus.
Iussus est enim
canem Cérberum
ex Orco in lucem tráhere.
Ex Orco autem
nemo ántea revérterat.
Praetérea
Cérberus erat monstrum
máxime horríbile
et tria cápita habébat.
Hércules,
postquam
impéria Eurýsthei accépit,
statim proféctus est
et in Orcum descéndit.
Ibi vero
non sine summo perículo
Cérberum mánibus rápuit
et ingénti cum labóre
ex Orco in lucem
et ad urbem Eurýsthei traxit.
Sic
duódecim labóres illi
intra duódecim annos
confécti sunt.
Demum
post longam vitam
Hércules
a deis recéptus est
et Iúppiter
fílio suo dedit
immortalitátem.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

60a. Hippolyte, Amazonum Regina

---

---

Gens Amázonum dícitur
omníno ex muliéribus fuísse.
Hae
cum viris proélium commíttere
non verebántur.
Hippólyte, Amázonum regína,
bálteum hábuit pulchérrimum.
Hunc bálteum possidére
fília Eurýsthei
veheménter cupiébat.
Ítaque Eurýstheus
iussit Hérculem
ímpetum in Amázones fácere.
Ille
multis cum cópiis
navem conscéndit
et paucis diébus
in Amázonum finis pervénit,
ac bálteum postulávit.
Eum trádere
ipsa Hippólyte quidem
cupívit;
réliquis tamen Amazónibus
persuadére non pótuit.
Postrídie Hércules
proélium commísit.
Multas horas
utrímque
quam fortíssime pugnátum est.
Dénique tamen
mulíeres
terga vertérunt
et fuga salútem petiérunt.
Multae autem captae sunt,
in quo número
erat ipsa Hippólyte.
Hércules
postquam bálteum accépit,
ómnibus captívis
libertátem dedit.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

59b. Diomedis Equi

---

---

Postquam
ex ínsula Creta
domum pervénit,
Hércules
ab Eurýstheo
in Thráciam missus est.
Ibi Diomédes quidam,
vir saevíssimus,
regnum obtinébat
et omnis
a fínibus suis prohibébat.
Hércules iussus erat
equos Diomédis rápere
et ad Eurýstheum dúcere.
Hi autem equi
hómines misérrimos devorábant
de quibus
rex
supplícium súmere cupiébat.
Hércules
ubi pervénit,
primum
equos a rege postulávit,
sed
rex eos dédere recusávit.
Deinde ille, ira commótus,
regem occídit
et corpus eius
equis trádidit.
Ítaque is,
qui
ántea multos necáverat,
ipse
eódem supplício necátus est.
Et equi,
nuper saevíssima animália,
postquam
dómini sui corpus devoravérunt,
mansuéti erant.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

59a. Taurus Cretensis

---

---

Tum Eurýstheus
iussit Hérculem
portáre vivum
ex ínsula Creta
taurum quendam saevíssimum.
Ille ígitur
navem conscéndit
(nam ventus erat idóneus)
atque statim solvit.
Postquam tríduum navigávit,
incólumis
ínsulae adpropinquávit.
Deinde,
postquam ómnia paráta sunt,
conténdit
ad eam regiónem
quam
taurus vexábat.
Mox taurum vidit
ac sine ullo metu
córnua eius corrípuit.
Tum
ingénti labóre
monstrum
ad navem traxit
atque
cum hac praeda
ex ínsula discéssit.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

58b. Aves Stymphalides

---

---

Post paucos dies
Hércules
ad óppidum Stymphálum
iter fecit;
nam Eurýstheus
iússerat eum
avis Stymphálides occídere.
Hae aves
rostra férrea habébant
et
hómines míseros devorábant.
Ille,
postquam ad locum pervénit,
lacum vidit
in quo
aves incolébant.
Nullo tamen modo
Hércules
ávibus adpropinquáre pótuit;
lacus enim
non ex aqua
sed e limo cónstitit.
Dénique autem
aves
de áliqua causa pertérritae
in auras volavérunt
et magna pars eárum
sagíttis Hérculis
occísa est.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

58a. Hercules et Stabulum

---

---

Deinde Eurýstheus
Hérculi
hunc labórem multo graviórem
imperávit.
Augéas quidam,
qui
illo témpore
regnum Élidis obtinébat,
tria mília boum habébat.
Hi
ingénti stábulo continebántur.
Hoc stábulum,
quod
per trigínta annos
non purgátum erat,
Hércules
intra spátium uníus diéi
purgáre iussus est.
llle
negótium alácriter suscépit,
et primum
labóre gravíssimo
máximam fossam fodit
per quam
flúminis aquam
de móntibus
ad murum stábuli duxit.
Tum
partem parvam muri delévit
et aquam in stábulum immísit.
Hoc modo
finem óperis fecit
uno die facíllime.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

57b. Hercules et Aper

---

---

Tum vero
iussus est Hércules
aprum quendam cápere
qui
illo témpore
agros Erymánthios vastábat
et hómines illíus loci
magnópere perterrébat.
Hércules
laete negótium suscépit
et
in Arcádiam
celériter se recépit.
Ibi
mox aprum répperit.
Ille autem,
simul atque Hérculem vidit,
statim
quam celérrime fugit
et metu pertérritus
in fossam altam
sese ábdidit.
Hércules tamen
summa cum difficultáte
eum extráxit,
nec aper
ullo modo
sese liberáre pótuit,
et vivus
ad Eurýstheum portátus est.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

57a. Hercules et Cervus

---

---

Postquam Eurýstheo
mors Hydrae nuntiáta est,
summus terror
ánimum eius occupávit.
Ítaque iussit Hérculem
cápere
et ad se reportáre
cervum quendam;
nam mínime cupívit
tantum virum
in regno suo tenére.
Hic autem cervus
dicebátur
aúrea córnua
et pedes multo celerióres vento
habére.
Primum
Hércules
vestígia animális petívit,
deinde,
ubi cervum ipsum vidit,
ómnibus viribus currere incepit.
Per plurimos dies conténdit
nec noctu cessávit.
Dénique,
postquam
per totum annum
cucúrrerat (ita dícitur),
cervum iam deféssum cepit
et ad Eurýstheum portávit.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

56. Hercules et Hydra

---

---

Deinde Hércules
ab Eurýstheo iussus est
Hydram occídere.
Ítaque
cum amíco Ioláo
conténdit
ad palúdem Lernaéam
ubi Hydra incolébat.
Hoc autem monstrum
erat serpens ingens
quae
novem cápita habébat.
Mox is
monstrum répperit
et summo cum perículo
collum eius
sinístra manu rápuit
et ténuit.
Tum dextra manu
cápita novem abscídere incépit,
sed frustra laborábat,
quod
quótiens hoc fécerat
tótiens ália nova cápita vidébat.
Quod ubi vidit,
státuit
cápita igni cremáre.
Hoc modo
octo cápita delévit,
sed
extrémum caput vulnerári
non pótuit,
quod
erat immortále.
Ítaque illud
sub ingénti saxo
Hércules pósuit
et ita
victóriam reportávit.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

55b. Hercules et Leo II

---

---

Tum in silvas
in quibus
leo habitábat
statim iter fecit.
Mox feram vidit
et pluris ímpetus fecit;
frustra tamen,
quod
neque sagíttis
neque ullo álio telo
monstrum vulneráre pótuit.
Dénique Hércules
saevum leónem
suis ingéntibus brácchiis rápuit
et faucis eius
ómnibus víribus compréssit.
Hoc modo
brevi témpore
eum interfécit.
Tum corpus leónis
ad óppidum
in úmeris reportávit
et pellem póstea
pro veste gerébat.
Omnes autem
qui
eam regiónem incolébant,
ubi famam
de morte leónis ingéntis
accepérunt,
erant laetíssimi
et Hérculem laudábant
verbis amplíssimis.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

55a. Hercules et Leo I

---

---

Ítaque Hércules
Pýthiae
totam rem demonstrávit
nec scelus suum ábdidit.
Ubi iam Hércules finem fecit,
Pýthia iussit eum
ad urbem Tirýntha discédere
et ibi
regi Eurýstheo sese commíttere.
Quae ubi audívit,
Hércules
ad illam urbem statim conténdit
et Eurýstheo
se in servitútem trádidit
et dixit,
"Quid primum,
O rex,
me fácere iubes?"
Eurýstheus,
qui
perterrebátur
vi et córpore ingénti Hérculis
et eum occídi studébat,
ita respóndit:
"Audi, Hércules!
Multa mira narrántur
de leóne saevíssimo
qui
hoc témpore
in valle Nemaéa
ómnia vastat.
Iúbeo te,
virórum ómnium fortíssimum,
illo monstro
hómines liberáre."
Haec verba
Hérculi máxime placuérunt.
"Properábo," inquit,
"et parébo império tuo."

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

54b. Hercules et Scelus Eius

---

---

Post hoc proélium
Creon rex,
tanta victória laetus,
fíliam suam
Hérculi in matrimónium dedit.
Thebis
Hércules cum uxóre sua
diu vivébat
et
ab ómnibus
magnópere amabátur;
sed post multos annos
súbito in furórem íncidit
et ipse
sua manu
líberos suos interfécit.
Post breve tempus
ad sanitátem redúctus
tantum scelus expiáre
cupiébat
et constítuit
ad oráculum Délphicum
iter fácere.
Hoc autem oráculum
erat ómnium claríssimum.
Ibi sedébat fémina quaedam
quae Pýthia appellabátur.
Ea
consílium dabat iis
qui ad oráculum veniébant.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

54a. Hercules et Minyae

---

---

Hércules
a púero
corpus suum
gravíssimis et difficíllimis labóribus
exercébat
et hoc modo
vires suas confirmávit.
Iam aduléscens
Thebis habitábat.
Ibi Creon quidam
erat rex.
Minyae,
gens validíssima,
erant finítimi Thebánis,
et,
quia olim Thebános vícerant,
quotánnis legátos mittébant
et vectígal postulábant.
Hércules autem
constítuit
civis suos
hoc vectigáli liberáre
et dixit regi,
"Da mihi exércitum tuum
et ego
hos supérbos hostis superábo."
Hanc condiciónem
rex non recusávit,
et Hércules
núntios in omnis partis dimísit
et cópias coégit.
Tum
témpore opportuníssimo
proélium cum Minyis commísit.
Diu pugnátum est,
sed dénique illi
ímpetum Thebanórum sustinére
non potuérunt
et terga vertérunt
fugámque cepérunt.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---