Olim
Cimbri et Teútones,
pópuli Germániae,
cum féminis liberísque
Itáliae adpropinquáverant
et cópias Románas
máximo proélio vícerant.
Ubi fuga legiónum
nuntiáta est,
summus erat
terror totíus Romae,
et Románi, gráviter commóti,
sacra crebra deis faciébant
et salútem petébant.
Tum Mánlius orátor
ánimos pópuli ita confirmávit:
"Magnam calamitátem accépimus.
Óppida nostra
a Cimbris Teutonibúsque
capiúntur,
agrícolae interficiúntur,
agri vastántur,
cópiae barbarórum
Romae adpropínquant.
Ítaque,
nisi novis ánimis
proélium novum faciémus
et Germános
ex pátria nostra
sine mora agémus,
erit nulla salus
féminis nostris liberísque.
Serváte líberos!
Serváte pátriam!
Ántea
superáti sumus
quia
imperatóres nostri
fuérunt infírmi.
Nunc Márius, clarus imperátor,
qui
iam multas alias victórias
reportávit,
legiónes ducet
et ánimos nostros
terróre Címbrico
liberáre maturábit."
(image)
TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.
No comments:
Post a Comment