Cépheus,
advérsa fortúna máxime commótus,
discéssit
et multis cum lácrimis
pópulo Aethiópiae
verba oráculi narrávit.
Fata Andrómedae, puéllae pulchrae,
a toto pópulo deplorabántur,
tamen nullum erat auxílium.
Deinde Cépheus
cum pleno tristítiae animo
caram suam fíliam
ex óppidi porta
ad aquam duxit
et brácchia eius
ad saxa dura revínxit.
Tum amíci puéllae míserae
longe discessérunt
et diu
monstrum saevum exspectavérunt."
Tum forte
Perseus, alis fretus,
super Aethiopiam volabat.
Vidit
populum, Andromedam, lacrimas,
et, magnopere attonitus,
ad terram descendit.
Tum Cepheus
ei totas curas narravit
et ita dixit:
"Parebo verbis oraculi,
et pro patria
filiam meam dabo;
sed
si id monstrum interficies
et Andromedam servabis,
tibi eam dabo."
(image)
TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.
No comments:
Post a Comment