34. Bellum Troianum II

---

---

Príncipes
equum lígneum fíeri
iubent.
Tum Graeci
naves dedúcunt
et se in occúlto cóntinent.
Troiáni
castra, ab hóstibus vácua,
relícta invéniunt.
Deinde
equum
nova atque inusitáta spécie
vident.
Equum
fúnibus et caténis revínctum
in arcem trahunt.
Multi autem Graeci
in equo celáti erant.
Siléntio noctis
ad terram
caute ac diligénter descéndunt.
Statim
omnes óppidi partes
magno ímpetu petunt.
Ac paulo post
réliqui Graeci
e návibus pervéniunt.
Troiáni
de sua salúte desperántes
arma abíciunt.
Tum
máxima caedes
Troiae in arce
facta est.
Rex ipse, inérmis,
in médios hostes ruit.
Ibi a Graecis,
furóre stimulátis,
interféctus est.
Deinde
Graeci, victóres,
domum revertérunt.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

33. Bellum Troianum I

---

---

Hélena
Lacedaemoniórum regis fília erat.
Haec virgo
Meneláo, nóbili duci,
despónsa est.
Paris autem,
Troiáni regis fílius,
hanc vírginem amávit.
Ítaque
Hélena cum Páride
Troiam profúgit.
Deinde Agamémnon,
Menelái frater,
Lacedaémonem conténdit.
Quam máximum possunt
númerum návium et mílitum
cogunt.
Tum Graeci
naves conscéndunt
et Troiam proficiscúntur.
Mox
in Ásiam pervéniunt
et naves in áridum subdúcunt.
Tum
novem annos
ab utrísque bellum gerebátur.
Décimo autem anno
Graeci
rem confícere conántur.
Per dolum atque insídias
óppido potíri meditántur.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

14. Equus Ligneus

---

---

Graeci
decem annos
Troiam frustra obséderant.
Deinde
equum lígneum
ingéntis magnitúdinis
fáciunt.
In hoc equo
viri fortíssimi
sese celavérunt.
Tum
réliqui Graeci
ad ínsulam propínquam
se recípiunt.
Mox Troiáni
equum lígneum
ante moénia vident.
Nonnúlli
hunc equum
in arcem tráhere voluérunt.
Laócoon autem, Neptúni sacérdos,
hoc dissuásit.
Equum tamen
stulti cives
in urbem traxérunt.
Eádem nocte
Graeci
ex equo emérgunt.
Custódes portárum
sine mora occísi sunt.
Tum réliqui Graeci
urbem Troiam expúgnant.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---