16. Horatius et Tiberis II

---

---

Iam hostes
magnum clamórem tollunt.
Úndique
in eum unum
tela coníciunt.
Simul
ingens fragor pontis rupti
audítus est.
Simul Romanórum clamor
ad hostes pérvenit.
Tum Horátius
deum Tíberis flúminis
sic precátur:
"Pater Tiberíne,
áccipe haec arma
et hunc mílitem."
Ítaque, sic armátus,
in Tíberim desíluit.
Inter hóstium tela
incólumis
ad suos pervénit.
Cívitas
ob tantam virtútem
grata fuit.
Magnum deinde gaúdium
inter Romános erat.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

15. Horatius et Tiberis I

---

---

Tarquínius,
últimus rex Romanórum,
ex urbe pulsus erat.
Tum ad Porsénnam,
Etruscórum regem,
fugit.
Auxílium contra Romános
ab Etrúscis quaesívit.
Porsénna igitur
Romam
cum exércitu proféctus est.
Omnes Románi
in urbem
ex agris fugérunt.
Cives
pontem in Tíberi
ferro et igni delébant.
Horátius, miles fortíssimus,
hóstium ímpetum sústinet.
Huius mílitis audácia
saevos hostes terret.
Tum duo Románi
ei auxílium férunt.
Pars modo parva pontis
iam relícta est.
Tum Horátii cómites
in tutum cedunt.
Horátius tamen solus
in ulterióre parte manet.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---