2.2 Mars et Vestalis Virgo

---

          

---

Propter hoc
Amúlius putat
se
semper regem esse posse.
Sed Mars est deus:
Mars
Rheam Sílviam uxórem ducit.
Rhea Sílvia,
ut omnes scitis,
est virgo illa
quam Amúlius timet.
Sílvia
géminos parit
quos Rómulum et Remum appéllat.

(image: Mars et Rhea Silvia)

---

TEXT SOURCE: First Latin Reader, by Edward Chickering (1917). Vocabulary List in back of book (and it is an analytical type of vocabulary listing). In addition, this book does have macrons.

---

2.1 Amulius et Numitor

---

          

---

Post multos annos
Sílvius Procas
est rex Albánus.
Duos fílios,
Numitórem seniórem,
Amúlium iuniórem,
habet.
Ubi Sílvius ánimam agit,
Amúlius
fratri optiónem dat:
"Utrum vis habére,
regnum,
an pecúniam et omnes res
quas pater noster relínquit?"
Númitor respóndet
se
pecúniam et álias res habére velle.
Deinde Amúlius
regnum firme tenére volt;
frater
fílium habet,
quem Amúlius occídit,
et fíliam,
quam
Vestálem vírginem facit.
Nam nullus
vírginem Vestálem uxórem ducit:
non licet.
Vestális virgo
numquam cóniugem habére potest.

(image)

---

TEXT SOURCE: First Latin Reader, by Edward Chickering (1917). Vocabulary List in back of book (and it is an analytical type of vocabulary listing). In addition, this book does have macrons.

---

152. Gemini Filii

---

          

---

Amúlius,
ut regnum firmíssime possidéret,
Numitóris fílium
per insídias interémit
et
fíliam fratris, Rheam Sílviam,
Vestálem vírginem fecit.
Nam
his Vestae sacerdótibus
non licet
viro núbere.
Sed haec
a Marte
géminos fílios,
Rómulum et Remum,
péperit.
Hoc
cum Amúlius comperísset,
matrem in víncula coniécit,
púeros autem
in Tíberim ábiici iussit.

(image: Romulus, Remus et Tiberis Deus)

---

TEXT SOURCE: A New Latin Reader, by Albert Harkness (1881). Vocabulary List in back of book. Sections 148-150 are identical to Fowle 1-3; sections 151-157 in Harkness cover the same content as Fowle 4-17 but with different wording.

---

5. Rhea Silvia

---

          

---

Sílvius Procas,
rex Albanórum,
duos fílios,
Numitórem et Amúlium,
hábuit.
Numitóri,
qui
natu maior erat,
regnum relíquit.
Sed Amúlius,
pulso fratre,
regnávit et,
ut eum sóbole priváret,
Rheam Sílviam, eius fíliam,
Vestae sacerdótem fecit,
quae tamen
Rómulum et Remum
uno partu
édidit.

(image)

---

TEXT SOURCE: First Easy Latin Reading Book - Roman History, by Edmund Fowle (1877). Vocabulary Lists in back of book.

---