6.2. Templa Dianae

---

---

Insígne templum hábuit
Éphesi,
et inter septem orbis mirácula
numerátum:
aram quoque
in Taúrica Chersonéso,
ad Pontum Euxínum,
in qua
ipsi
hómines immolabántur,
praesértim si qui
naufrágio
ad istas oras eiécti fuíssent.

(image)

---

TEXT SOURCE: Epitome of Greek and Roman Mythology, by John Seely Hart (1853), with a vocabulary list in the back.

---

6.1. Diana, Soror Apollinis

---

---

Diána,
soror Apóllinis,
éadem in caelo Luna,
in terris Diána,
in ínferis Hécate,
dicebátur.
Hinc
trifórmis Diva,
triceps Hécate,
a poétis nuncupátur.
Venatióni praesértim addícta,
venatóribus praéfuit.
Éadem
virginitátem perpétuo cóluit,
et Actaeónem venatórem,
quod
in eum,
ubi se cum nymphis lavábat,
locum
imprúdens venísset,
mutávit in cervum.

(image)

---

TEXT SOURCE: Epitome of Greek and Roman Mythology, by John Seely Hart (1853), with a vocabulary list in the back.

---

5.1 Latona

---

---

Iúpiter,
spreta Iunóne,
Latónam adamávit,
ex eáque
suscépit Apóllinem et Diánam.
Priúsquam in lucem ederéntur,
Iuno
Terram obsecrávit,
ut nullum Latónae,
ubi consístere posset ac párere,
locum relínqueret.
Promísit Terra
excludéndam ómnibus locis
Latónam,
praetérquam ab ínsula Delo,
quae tunc
fluitábat incérto mari,
ac fere semper
flúctibus erat obrúta.
Sed Neptúnus,
Latónam miserátus,
Delum stábilem réddidit
ac iussit emérgere.
Hinc Apóllo
Délii cognómen est nactus
ab ínsula natáli.

(image: Latona / Leto)

---

TEXT SOURCE: Epitome of Greek and Roman Mythology, by John Seely Hart (1853), with a vocabulary list in the back.

---

60. Diana et Minerva

---

---

Ridébis,
et licet rídeas.
Ego ille,
quem nosti,
apros tres
et quidem pulchérrimos
cepi.
Ipse? inquis.
Ipse:
non tamen
ut omníno
ab inértia mea et quiéte
discéderem.
Ad rétia sedébam.
Erant in próximo,
non venábulum aut láncea,
sed stilus et pugilláres.
Meditábar áliquid
et enotábam,
ut si manus vácuas,
plenas tamen ceras
reportárem.
Non est
quod contémnas
hoc studéndi genus.
Mirum est
ut ánimus
motu córporis
excitétur.
Iam úndique
silvae et solitúdo,
ipsúmque illud siléntium
quod venatióni datur,
magna cogitatiónis incitaménta
sunt.
Proínde,
cum venábere,
licébit,
auctóre me,
étiam pugilláres feras.
Experiéris
non Diánam magis
móntibus
quam Minérvam inerráre.
Vale.
(amícus respóndet)
Cúpio
praecéptis tuis parére;
sed aprórum tanta penúria est,
ut Minérvam et Diánam
páriter cólere non possem.
Ítaque Minérvae tantum
serviéndum est. Vale.

(image)

---

TEXT SOURCE: Excerpta Facilia, a Second Latin Translation Book , by H.R Heatley and H.N. Kingdon (1883). Vocabulary List in back of book.

---

12.1 Sacerdos Callidus

---

          

---

Iam cognóvimus
templum Diánae
in Aventíno aedificátum esse.
Post hoc
bovem mirae magnitúdinis
quidam Latínus habuísse
dícitur
et respónsum a deo datum:
Is pópulus
summam impéri habébit,
cuius a cive
bovem illam
Diána accípiet.
Latínus
bovem
ad templum Diánae egit
et de causa
sacerdótem Románum
certiórem fecit.
Ille cállidus dixit,
prius eum
vivo flúmine
manus puras fácere debére.
Latínus dum ad Tíberim descéndit,
sacérdos
bovem interfécit.
Ita impérium cives,
ipse glóriam
consecútus est.

(image)

---

TEXT SOURCE: First Latin Reader, by Edward Chickering (1917). Vocabulary List in back of book (and it is an analytical type of vocabulary listing). In addition, this book does have macrons.

---

11.3 Dianae Templum

---

          

---

Sérvius Túllius
áliquod urbi decus áddere
vóluit.
Iam tum nóbile erat
Diánae Ephésiae templum.
Id commúniter
a civitátibus Ásiae factum
fama tulit.
Ítaque
ob eius voluntátem
Latíni
templum Diánae
cum pópulo Románo
Romae
in Aventíno monte
aedificavérunt.

(image)

---

TEXT SOURCE: First Latin Reader, by Edward Chickering (1917). Vocabulary List in back of book (and it is an analytical type of vocabulary listing). In addition, this book does have macrons.

---