18. Romanus et Gallus II

---

---

Gallus et Románus
iam manus conserébant.
Súbito
corvus ádvolat
et in gálea Románi ínsidet.
Tum, se alis levans,
os et óculos hostis petit.
Rostro et únguibus
Gallum vúlnerat.
Utérque exércitus
pugnam spectábat.
Sic tribúnus
Gallum fácile occídit.
Tum corvus
e conspéctu celériter évolat.
Ob hanc causam
Valérius
cognómen Corvi hábuit.
Póstea consul
tribúnum
aúrea coróna donávit.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

17. Romanus et Gallus I

---

---

Ingéntes cópiae Gallórum
Romam oppugnábant.
Nec procul ab hóstibus
consul Románus
castra pósuit.
Tum Gallus quidam,
máximus atque insígnis,
procédit.
Hic,
scutum quátiens hasta,
siléntium facit.
Tum
per intérpretem
Románis milítibus ita inquit,
"Cum uno ex Románis
ferro decérnere volo."
Primo
tribúnus mílitum, nómine Valérius,
cónsulem cónsulit.
Deinde
in médium
armátus procédit.
Tum
in ómnium conspéctu
res mirábilis áccidit.

(image: miles Gallus)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

13. Anseres Romani II

---

---

Forte in Capitólio
ánseres, Iunóni sacri,
erant.
Hi ánseres
gradus Gallórum audivérunt.
Ítaque haec res
Romae salúti fuit.
Nam eórum clangóre
miles quidam éxcitus est.
Hic vir, bello egrégius,
arma sua statim rapit.
Céteros quoque mílites
ad arma cóncitat.
Primus Gallórum
iam in summo stabat.
Hunc
Románus
hasta sua detúrbat.
Tum Gallus
lábitur
et próximos déicit.
Románi
céteros Gallos fácile arcent.
Sic Roma
ánserum clangóre
serváta est.

(image)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

12. Anseres Romani I

---

---

Galli olim
cum Románis
bellum gerébant.
Hostes autem
Romános bis iam vícerant.
Hoc témpore
Galli
arcem Romae obsidébant.
Utérque exércitus
dira fame laborábat.
Tandem
fames vix sustinéri póterat.
Ánseres tamen,
Iunóni sacros,
édere nolébant.
Tum Galli
e castris suis proficiscúntur.
Siléntio noctis
in summum saxum evádunt.
Omnes custódes arcis
dormiébant.
Canes quoque
Gallos adveniéntes
non sensérunt.
Iam Capitólium
in magno perículo fuit.

(image: Brennus, dux Gallorum)

---

TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.

---

12.3 Terror Panicus

---

---

Narrátur,
cum Galli, Brenno duce,
Graéciam percursántes,
templum Délphicum
parárent spoliáre,
iniéctum illis
a Pane
improvísum terrórem,
quo percúlsi omnes
fugam arripúerint:
inde natum, ut
terror sine causa suscéptus
Pánicus apellétur.

(image)

---

TEXT SOURCE: Epitome of Greek and Roman Mythology, by John Seely Hart (1853), with a vocabulary list in the back.

---

29. Indutiomarus et Cingetorix

---

---

Haec cívitas
longe
plúrimum totíus Gálliae
equitátu valet,
magnásque habet cópias péditum,
Rhenúmque,
ut supra demonstrávimus,
tangit.
In ea civitáte
duo
de principátu
inter se contendébant,
Indutiómarus et Cingétorix.
Ex quibus
alter,
simul atque
de Caésaris legionúmque advéntu
cógnitum est,
ad eum venit;
se suósque omnes
in offício futúros
neque
ab amicítia pópuli Románi
defectúros
confirmávit,
quaeque
in Tréviris gereréntur
osténdit.
At Indutiómarus
equitátum peditatúmque cógere,
iísque,
qui
per aetátem
in armis esse non póterant,
in silvam Arduénnam ábditis,
quae
ingénti magnitúdine
per médios fines Trevirórum
a flúmine Rheno
ad inítium Remórum pértinet,
bellum paráre
instítuit.
Sed posteáquam
nonnúlli príncipes
ex ea civitáte
et familiaritáte Cingetórigis
addúcti
et
advéntu nostri exércitus
pertérriti
ad Caésarem venérunt,
et
de suis privátim rebus
ab eo pétere coepérunt,
quóniam
civitáti consúlere non possent,
Indutiómarus,
véritus
ne ab ómnibus desererétur,
legátos ad Caésarem mittit:
Sese idcírco
ab suis discédere
atque ad eum veníre
noluísse,
quo facílius
civitátem in offício continéret,
ne
omnis nobilitátis discéssu plebs
propter imprudéntiam laberétur.
Ítaque
esse civitátem in sua potetstáte,
seque,
si Caesar permítteret,
ad eum
in castra ventúrum,
suas civitatísque fortúnas
eius fídei permissúrum.

(image)

---

TEXT SOURCE: Selections from Latin Authors for Sight-Reading, by Everett Titsworth Tomlinson (1886). This book does not have a vocabulary list in the back.

---

25. Religio Gallorum

---

---

Deum
máxime Mercúrium colunt.
Huius sunt
plúrima simulácra;
hunc
ómnium inventórem ártium
ferunt,
hunc
viárum atque itínerum ducem,
hunc
ad quaestus pecúniae
mercaturásque
habére vim máximam
arbitrántur.
Post hunc
Apóllinem et Martem
et Iovem et Minérvam.
De his
eándem fere
quam réliquae gentes
habent opiniónem:
Apóllinem
morbos depéllere,
Minérvam
óperum atque artificiórum
inítia trádere,
Iovem
impérium caeléstium tenére,
Martem
bella régere.
Huic,
cum
proélio dimicáre
constituérunt,
ea
quae bello céperint
plerúmque dévovent;
cum superavérunt,
animália capta ímmolant,
réliquas res
in unum locum cónferunt.
Multis in civitátibus
harum rerum
exstrúctos túmulos
locis consecrátis
conspicári licet,
neque saepe áccidit
ut
neglécta quíspiam religióne
aut capta apud se occultáre
aut pósita tóllere
audéret;
gravíssimum ei rei supplícium
cum cruciátu
constitútum est.

(image: Mercury)

---

TEXT SOURCE: Selections from Latin Authors for Sight-Reading, by Everett Titsworth Tomlinson (1886). This book does not have a vocabulary list in the back.

---

22. Capitolium in Manu Gallorum

---

---

Románus inde exércitus
ex urbe edúctus
in ripa flúminis Álliae
castra pósuit.
Ibi
ímpetu a Gallis facto,
Románi pertérriti
fúgiunt,
et paene ad unum
trucidántur.
Tum praeter paucos,
qui
Capitólium tenébant,
et senióres a senátu,
cuncti cives
Roma fugérunt,
et Galli
urbem occupábant.
Senatóres autem,
qui manébant,
togis praetéxtis indúti
in foro
sellis curúlibus consedére.
Quos tranquílle sedéntes
dum bárbari
ádmodum mirántur,
unus e Gallis
barbam longam
Papírii cuiúsdam
manu léniter palpat.
Quod aegre ferens
Papírius
caput Galli báculo ferit:
statímque
a bárbaro interfícitur.
Deinde
réliqui étiam necáti sunt,
et, tectis incénsis,
Capitólium
erat in manu Gallórum.

(image: Brennus, commander of the Gauls)

---

TEXT SOURCE: Selections from Latin Authors for Sight-Reading, by Everett Titsworth Tomlinson (1886). This book does not have a vocabulary list in the back.

---

21. Gallorum Sacrificia

---

---

Nátio est omnis Gallórum
ádmodum dédita religiónibus,
atque
ob eam causam
qui
sunt adfecti
gravióribus morbis
quique
in proéliis periculísque
versántur,
aut
pro víctimis hómines ímmolant
aut
se immolatúros vovent,
administrísque
ad ea sacrifícia
Druídibus utúntur,
quod,
pro vita hóminis
nisi hóminis vita reddátur,
non posse
deórum immortálium
numen placári
arbitrántur,
publicéque
eiúsdem géneris
habent institúta sacrifícia.
Álii
immáni magnitúdine
simulácra habent,
quorum
contéxta vimínibus membra
vivis homínibus complent;
quibus succénsis,
circumvénti flamma
exanimántur hómines.
Supplícia eórum
qui
in furto aut in latrocínio
aut áliqua noxa
sint comprehénsi
gratióra
diis immortálibus esse
arbitrántur;
sed
cum eius géneris cópia defécit,
étiam ad innocéntium supplícia
descéndunt.

(image)

---

TEXT SOURCE: Selections from Latin Authors for Sight-Reading, by Everett Titsworth Tomlinson (1886). This book does not have a vocabulary list in the back.

---

8. Caesar in Gallia

---

---

Diébus decem,
quibus
matéria coepta erat comportári,
omni ópere effécto,
exércitus transdúcitur.
Caesar,
ad utrámque partem pontis
firmo praesídio relícto,
in fines Sigambrórum conténdit.
Ínterim
a complúribus civitátibus
ad eum legáti véniunt,
quibus
pacem atque amicítiam peténtibus
liberáliter respóndit,
obsidésque ad se addúci
iubet.

(image)

---

TEXT SOURCE: Selections from Latin Authors for Sight-Reading, by Everett Titsworth Tomlinson (1886). This book does not have a vocabulary list in the back.

---