TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
(image: Battle of Pydna)
Showing posts with label Fowle - Anecdotes. Show all posts
Showing posts with label Fowle - Anecdotes. Show all posts
February 20, 2011
Fowle - Anecdotes: Index
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
20. Marcus Cato
Marcus Cato,
Catónis Censórii fílius,
in acie
cadénte equo prolápsus,
cum se recollegísset
animadvertissétque
gládium excidísse vagína,
rédiit in hostem:
acceptísque áliquot vulnéribus,
recuperáto demum gládio
ad suos revérsus est.
(image: Battle of Pydna)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
19. Lucius Mummius
Lúcius Múmmius
qui,
Coríntho capta,
totam Itáliam
tábulis statuísque exornávit,
ex tantis manúbiis
nihil
in suum usum convértit
ut,
eo defúncto,
non esset
unde eius fília
dotem accíperet.
Quare senátus
ei
ex público
dotem decrévit.
(image: ancient Corinth)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
18. Fabricius and Pyrrhus
Cum rex Pyrrhus
pópulo Románo
bellum ultro intulísset,
pérfuga
ab eo venit
in castra Fabrícii
eíque est pollícitus,
si praémium proposuísset,
se,
ut clam venísset,
sic clam
in Pyrrhi castra reditúrum
et eum venéno necatúrum.
Hunc
Fabrícius
reducéndum curávit ad Pyrrhum,
idque factum eius
a senátu laudátum est.
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
17. Alexander and Philip
Cum Alexánder quondam
Macédonum quorúmdam benevoléntiam
largitiónibus
sibi conciliáre conátus esset,
Philíppus
eum his verbis incrépuit,
"Sperásne
eos tibi fidéles esse futúros,
quos
pecúnia tibi conciliáveris?
Scito:
amórem
non auro emi,
sed virtútibus."
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
16. Euripides
Atheniénses quondam
ab Eurípide postulábant,
ut
ex tragoédia
senténtiam quandam tólleret.
Ille autem,
in scenam progréssus, dixit
se
fábulas compónere solére
ut pópulum docéret,
non ut a pópulo dísceret.
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
15. Sulpicius Gallus
In bello Romanórum
cum Pérseo,
último Macedóniae rege,
áccidit ut
seréna nocte
súbito luna defíceret.
Haec res
ingéntem apud mílites terrórem
excitávit,
qui existimábant
hoc ómine
futúram cladem porténdi.
Tum vero Sulpícius Gallus,
qui erat in eo exércitu,
in concióne mílitum
causam huius rei
tam disérte expósuit,
ut póstero die
omnes
intrépido ánimo
pugnam commítterent.
(image: A crater on the moon is named after Sulpicius Gallus.)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
14. Alexander Miser
Alexánder Mácedo, Philíppi fílius,
cum puer
a praeceptóre suo audivísset,
innumerábiles mundos esse,
"Heu me míserum," inquit,
"qui
ne uno quidem
adhuc potítus sum!"
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
13. Mausolus
Mausólus,
rex Cáriae,
Artemísiam hábuit cóniugem.
Haec,
Mausólo defúncto,
ossa cinerémque maríti
contúsa et odóribus mixta
cum aqua potábat.
Exstrúxit quoque,
ad conservándam eius memóriam,
sepúlchrum illud nobilíssimum,
ab eius nómine appellátum,
quod
inter
septem orbis terrárum mirácula
numerátur.
Quod cum
Mausóli mánibus dicáret,
certámen instítuit,
praémiis amplíssimis ei propósitis,
qui
defúnctum regem
óptime laudásset.
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
12. Dionysius et Lacedaemonii
Lacedaémone
cum tyránnus Dionýsius
cenáret
iuri illo nigro
(quod cenae caput erat)
mínime delectátus est.
Tum is
qui illud cóxerat,
"Mínime mirum;
condiménta enim defuérunt."
"Quae tandem?"
Inquit ille,
"Labor in venátu, sudor,
cursus ab Euróta, fames, sitis.
His enim rebus
Lacedaemoniórum épulae
condiúntur."
(image: Polish duck's blood soup, czernina, similar to Spartan black broth.)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
11. Alexander et Apelles
Alexánder
imáginem suam,
quam
Apélles,
pictor máximus eius aetátis,
pínxerat,
contemplátus est,
sed minus laudávit
quam illa merebátur.
Cum autem
equus addúctus
picto equo adhinníret,
quasi verus esset,
Apélles,
"O rex," inquit,
"equus tuus
pingéndi perítior
quam tu
esse vidétur."
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
10. Alexander et Pirata
Alexánder olim
comprehénsum pirátam interrogávit
quo iure
maria infestáret.
Ille
"Eódem," inquit,
"quo tu
orbem terrárum.
Sed quia id
ego parvo navígio fácio,
latro vocor;
tu,
quia magna classe et exércitu,
imperátor."
Alexánder
hóminem inviolátum dimísit.
Num iuste fecit?
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
9. Pyrrhus, King of Epirus
Pyrrhus, rex Epíri,
cum in Itália esset,
audívit
Tarentínos quosdam iúvenes
in convívio
parum honorífice
de se locútos esse.
Eos ígitur
ad se arcessítos
percunctátus est
num dixíssent ea
quae
ad aures suas perveníssent.
Tum
unus ex his
"Nisi," inquit,
"vinum nobis defecísset,
multo etiam plura et gravióra
in te locutúri erámus."
Haec críminis excusátio
iram regis
in risum convértit.
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
February 19, 2011
8. Philip, King of Macedon
Philíppus, rex Macédonum,
monéntibus eum quibúsdam
ut Pýthiam quendam cavéret —
fortem mílitem
sed
ipsi alienátum
quod
tres fílias aegre áleret
nec a rege adiuvarétur —
dixísse fertur,
"Quid,
si partem córporis
habérem aegram,
abscínderem pótius
an curárem?"
Deinde
Pýthiam
ad se vocatum,
accépta difficultáte rei domésticae,
pecúnia instrúxit.
Quo facto,
nullum rex mílitem
Pýthia fideliórem hábuit.
(image)
TEXT SOURCE: First Easy Latin Reading Book - Anecdotes, by Edmund Fowle (1877). Vocabulary Lists in back of book.
Subscribe to:
Posts (Atom)