Caesar,
expósito exercitu
et loco castris idóneo capto,
ubi ex captívis cognóvit,
quo in loco
hóstium cópiae consedíssent,
cohórtibus decem
ad mare relíctis
et equítibus trecéntis,
qui
praesídio návibus essent,
de tértia vigília
ad hostes conténdit,
eo minus véritus
návibus,
quod
in lítore molli atque apérto
deligátas
an áncoram relinquébat;
et praesídio návibus
Quintum Átrium praefécit.
Ipse
noctu progréssus
míllia pássuum círciter duódecim
hóstium cópias conspicátus est.
Illi
equitátu atque éssedis
ad flumen progréssi
ex loco superióre
nostros prohibére
et proélium commíttere coepérunt.
Repúlsi ab equitátu
se
in silvas abdidérunt,
locum nacti
egrégie
et natúra et ópere
munítum,
quem
doméstici belli, ut videbátur,
causa
iam ante praeparáverant;
nam
crebris arbóribus succísis
omnes intróitūs
erant praeclúsi.
Ipsi
ex silvis
rari propugnábant
nostrósque
intra munitiónes íngredi
prohibébant.
At mílites legiónis séptimae,
testúdine facta
et
ággere ad munitiónes adiécto,
locum cepérunt
eósque ex silvis explérunt,
paucis vulnéribus accéptis.
Sed eos fugiéntes
lóngius Caesar prósequi vétuit,
et quod loci natúram ignorábat,
et quod,
magna parte diéi consúmpta,
munitióni castrórum
tempus relínqui volébat.
(image)
TEXT SOURCE: Selections from Latin Authors for Sight-Reading, by Everett Titsworth Tomlinson (1886). This book does not have a vocabulary list in the back.
No comments:
Post a Comment