Etrúsci olim
cum pópulo Románo
bellum gerébant.
Tum Múcius, iúvenis nóbilis,
in castra hóstium pervénit.
Ille
regem Etruscórum interfícere
vóluit.
At a custódibus
statim captus est.
Tum
ad tribúnal regis
Múcius
tractus est.
"Civis Románus sum,"
inquit,
"me "Múcium" vocant.
Ego hostis
hostem occídere vólui.
Neque ad mortem
minus ánimi mihi est
quam ad caedem.
Románum est
et fácere et pati.
Neque ego unus
hoc fácere volo.
Post me
longus ordo est iúvenum.
Hi omnes
idem decus petunt."
(image: rex Etruscorum)
TEXT SOURCE: Scalae Primae: A First Latin Reader, by J. G. Spencer (1908), with a vocabulary list in the back.
No comments:
Post a Comment