Artemísia
Mausólum virum amásse
fertur
supra omnes amórum fábulas,
ultráque affectiónis humánae fidem.
Is Mausólus,
ubi fato perfúnctus est,
et inter laménta uxóris
fúnere magnífico sepúltus est,
Artemísia,
luctu atque desidério maríti flagrans,
ossa cinerémqe eius,
mixta odóribus
contúsaque in púlveris fáciem,
aquae índidit ebibítque.
Multa ália violénti amóris indícia
fecísse dícitur.
Molíta quoque est,
conservándae maríti memóriae
causa,
sepúlcrum illud memorábile
dignatúmque numerári
inter septem
ómnium terrárum spectácula.
Id monuméntum
Artemísia,
cum mánibus Mausóli dicáret,
certámen
laúdibus eius dicéndis
facit,
ponítque praémia
pecúniae aliarúmque rerum bonárum
amplíssima.
(image)
TEXT SOURCE: Excerpta Facilia, a Second Latin Translation Book , by H.R Heatley and H.N. Kingdon (1883). Vocabulary List in back of book.
No comments:
Post a Comment