Ubi coepit advesperáscere,
iubet
sterni sibi
in prima domus parte,
poscit
pugilláres, stilum, lumen:
suos omnes
in interióra dimíttit,
ipse
ad scribéndum ánimum,
óculos, manum, inténdit,
ne vácua mens
inánes sibi metus fíngeret.
Inítio
siléntium noctis,
deinde
cóncuti ferrum,
víncula movéri:
ille
non tóllere óculos,
non remíttere stilum
sed obfirmáre ánimum:
tum crebréscere fragor,
adventáre étiam
et iam ut in límine
iam ut intra limen audíri:
réspicit, videt, agnoscítque
narrátam sibi effígiem.
Stabat,
innuebátque
dígito símilis vocánti:
hic contra,
ut paulum expectáret,
manu signíficat,
rursúsque
ceris et stilo incúmbit.
Illa
scribéntis cápiti
caténis insonábat;
réspicit,
nec morátus
tollit lumen et séquitur.
Ibat illa
lento gradu
quasi gravis vínculis:
postquam defléxit
in áream domus,
repénte dilápsa
déserit cómitem.
Póstero die
adit magistrátus,
monétque
ut illum locum éffodi
iúbeant.
Inveniúntur ossa.
(image)
TEXT SOURCE: Excerpta Facilia, a Second Latin Translation Book , by H.R Heatley and H.N. Kingdon (1883). Vocabulary List in back of book.
No comments:
Post a Comment