Est in África
colónia mari próxima.
Omnis hic aetas
piscándi, navigándi
atque étiam natándi
stúdio tenétur:
máxime púeri.
His glória est et virtus
altíssime próvehi:
victor ille
qui longíssime,
et litus, et simul natántes,
relíquit.
Hoc certámine
puer quidam
audéntior céteris
in ulterióra tendébat.
Delphínus occúrrit
et nunc praecédere púerum,
nunc sequi, nunc circumíre,
postrémo subíre,
trepidantémque perférre
primum in altum:
mox flectit ad litus,
reddítque púerum
terrae et aequálibus.
Serpit per colóniam
fama:
concúrrere omnes,
ipsum púerum
tamquam miráculum
aspícere, interrogáre,
audíre, narráre.
Póstero die
óbsident litus
et mare prospéctant.
Natant púeri,
inter hos ille
sed caútius.
(image)
TEXT SOURCE: Excerpta Facilia, a Second Latin Translation Book , by H.R Heatley and H.N. Kingdon (1883). Vocabulary List in back of book.
No comments:
Post a Comment