Xanthíppe,
Sócratis philósophi uxor,
morósa ádmodum fuísse fertur
et iurgiósa;
irárum et molestiárum muliébrium
per diem perque noctem
satagébat.
Has eius intempéries
in marítum
Alcibíades, demirátus,
interrogávit Sócratem
quaenam rátio esset
cur
mulíerem tam acérbam
domo non exígeret.
"Quóniam," inquit Sócrates,
"cum illam domi talem perpétior,
insuésco et exérceor,
ut
ceterórum quoque foris
petulántiam et iniúriam
facílius feram."
Secúndum hanc senténtiam
quoque Varro
in eo libro
quem De Offício Maríti scripsit:
"Vítium," inquit, "uxóris
aut tolléndum aut feréndum est.
Qui tollit vítium,
uxórem commodiórem;
qui fert,
sese meliórem facit."
(image)
TEXT SOURCE: Excerpta Facilia, a Second Latin Translation Book , by H.R Heatley and H.N. Kingdon (1883). Vocabulary List in back of book.
No comments:
Post a Comment