Tum Alexánder,
comprehénsis equi habénis,
eum ita státuit,
ut
in advérsos rádios solis convérsus
umbram suam
conspícere non posset.
Cumque nihilóminus aestuáret,
iubam demúlcens,
in saeviéntem adhuc ínsilit.
Ille,
paréndi ínsolens,
cervícem et calces iactáre
multáque pervicácia
contra frenum niti,
dénique prorípere se conári
et ingénti violéntia cursum molíri.
Spatiósa planíties súberat;
ergo Alexánder,
effúsis in collum habénis
adactísque calcáribus,
cum ingénti clamóre
in cursum permíttit.
Ingens inde campi spátium
evéctus,
iam lassátum
et consístere voléntem
impéllere non ántea déstitit
quam exhaústum cursu
et labóre dómitum,
mansuetiórem iam mitiorémque
reduxísset.
(image)
TEXT SOURCE: Excerpta Facilia, a Second Latin Translation Book , by H.R Heatley and H.N. Kingdon (1883). Vocabulary List in back of book.
No comments:
Post a Comment